Biantara Ngeunaan Kamerdekaan

Bismillahirrahmanirrahim

Assalamualaikum wr.wb

Ibu guru anu kusimkuring dipihormat, oge rerencangan sadaya nu dimulyakeun ku Allah SWT. Langkung tipayun mangga urang sanggakeun puji syukur ka Allah SWT anu parantos maparin waktos ka urang sadayana dugi ka tiasa patepung lawung, paamprok jonghok dina ieu acara. Teu hilap mugia solawat sinareng salam urang sanggakeun ka jungjungan urang Nabi Muhammad SAW. Hatur nuhun ka sadayana kanggo waktos anu tos dipasihkeun ka simkuring.

Hadirin anu salinggih.

Dina ieu waktos, simkuring bade ngadugikeun biantara ngeunaan kagiatan pikeun ngeusi kamerdekaan. Janten urang sadaya kedah ngeusi kamerdekaan ku kagiatan nu  mangpaat pikeun mikahormat jasa pahlawan jaman baheula.

Sasih kamari, tepatna kaping 17 Agustus. Bangsa urang mieling kamerdekaan. Tos 68 taun bangsa urang bebas ti para penjajah, alatan perjoangan para pahlawan. Tah, pikeun mikahormat sarta ngahargaan jasa pahlawan, urang salaku murid kudu ngeusi kamerdekaan ku diajar sing getol.

Reremcangan sadaya.

Lianti diajar sing getol, orang oge kedah ningkatkeun prestasi urang sadaya. Sukur-sukur urang tiasa nyeungitkeun ngaran bangsa. Kukituna, hayu urang babarengan diajar sareng ningkatkeun prestasi urang sadaya ngarah janten jalmi nu sukses!

Para wargi nu mulya.

Cekap sakitu simkuring nyanggakeun pihatur. Hatur nuhun kana perhatosan ti ibu sareng rerencangan sadaya. Bilih aya kecap anu kirang merenah larapna, mugi tiasa ngahapunten.

Wassalamualikum wr.wb

 

Restu Ayu